Мой Слоним

 21-22 красавіка 2012 г. у Беларусі праводзіцца штогадовая валанцёрская акцыя "Фэст Экскурсаводаў".

 Ужо ў чацвёрты раз Фэст прымеркаваны да Міжнароднага дня помнікаў і мясцінаў, які святкуецца па рашэнні ЮНЭСКА 18 красавіка.
Галоўная ідэя Фэста - прыцягненне ўвагі людзей да праблемы аховы гісторыка-культурнай спадчыны, а па просту – помнікаў, побач з якімі яны жывуць і каля якіх праходзяць кожны дзень.
Падчас "Фэсту экскурсаводаў” напрацягу некалькіх дзён пройдзе шэраг самых разнастайных бясплатных экскурсій па гістарычных мясцінах Мінска, Гродна, Полацка і іншых гарадоў і мястэчак!

 У межах акцыі 22 красавіка экскурсія пройдзе і ў Слоніме. Збор жадаючых у 12.00 каля летняга амфітэатру ў парку. Тэлефон для даведак: +375298969785
 "Фэст экскурсаводаў” – гэта ўнікальная магчымасць для кожнага атрымаць незвычайную інфармацыю з першых вуснаў пра звыклыя мясціны, бо экскурсаводамі падчас Фэсту выступаюць як адмыслоўцы ў гэтай прафесіі, так і вядомыя гісторыкі, культуролагі, музейныя супрацоўнікі, настаўнікі, краязнаўцы — тыя, хто сам займаецца вывучэннем нашай гісторыка-культурнай спадчыны і гатовы падзяліцца сваімі ведамі з усімі цікаўнымі.

 Арганізатарамі "Фэста” ў гэтым годзе выступаюць:
"Беларускі камітэт ІКАМОС”,
МГА "Гісторыка”,
ГА "Беларуская асацыацыя экскурсаводаў і гідаў-перакладчыкаў”,
Краязнаўчы клуб "Камяніца” (МДПДіМ),
ГА "Беларускі Фонд Культуры”.

Дадатковая інфармацыя:
+375 29 5571124 (Цімох Акудовіч),
+375333413612 (Яўгенія Быц).